2024-2025 archivos - Zabalarra Eskola

Euskaraldia 2025

zabalarra — Tue, 20 May 2025 09:58:25 +0000

Zabalarrako ikas komunitatean euskara gurea dela sentitzen dugu, euskara gure identitatearen partea da eta euskarak batzen gaitu.

Euskaraldiari begira, gure buruari ERRONKA hau jarri diogu:

Ingurukoak hauspotuko ditugu , euskararen xaxatzaileak izango gara!!!
EUSKARALDI indartsua behar dugulako.
AHOBIZIAK aktibatu nahi ditugu: lehen hitzetik, euskaraz ahalik eta gehien egin dezagun beti.
BELARRIPRESTAK ere parte hartzera animatzen ditugu, euskarazko elkarrizketak edo elebidunak ahalbidetzeko.
Txapa hamabost egunetan zehar jantzi eta ez kentzea eskatzen dizuegu.

Elkar mugituz, egingo dugu!

La entrada Euskaraldia 2025 se publicó primero en Zabalarra Eskola.

Jolasen eguna 2025

zabalarra — Wed, 30 Apr 2025 14:34:23 +0000

Iaz izan zuen arrakasta ikusita, aurten ere jolasen eguna ospatu dugu eskolan. Haur Hezkuntzako 4 urtekoetatik hasita Lehen Hezkuntzako 6.mailara arteko ikasleek parte hartu dute hainbat jolasetan: armiarma, soka salto, zapitxo eta txorokil batzea. Gaurko egunak arrakasta izateko ikasle eta irakasle guztien inplikazioa ezinbestekoa izan da, eskerrik asko!

La entrada Jolasen eguna 2025 se publicó primero en Zabalarra Eskola.

3 urteko gelakoen proiektua: etxe motak

zabalarra — Fri, 11 Apr 2025 09:22:35 +0000

Hiru urteko gelakoek erakusketa antolatu dute familientzat etxeen proiektuei bukaera emateko.

Hemen daukazue prozesu osoa erakusten duen laburpen txiki bat:

La entrada 3 urteko gelakoen proiektua: etxe motak se publicó primero en Zabalarra Eskola.

Ortua udaberrirako prestatzen

zabalarra — Fri, 21 Mar 2025 11:38:25 +0000

Udaberria datorrela eta, lan eta lan ibili gara eskolako ortuan: LH2koek porruak jaso dituzte; LH4koak fin ibili dira, babak batu, patatak erein eta kalabazak landatzen; LH6koek erromeroa landatu dute.

Eskerrak eman nahi dizkiogu eskolako amona bati, ekarritako intsentsuagatik.

La entrada Ortua udaberrirako prestatzen se publicó primero en Zabalarra Eskola.

Iñauteriak 2025

zabalarra — Fri, 28 Feb 2025 13:54:25 +0000

Aurten gure eskolako iñauterietako gaia IPUINAK izan da; hemen daukazue laburpen bideo bat. Ondo pasa jai egunak!

La entrada Iñauteriak 2025 se publicó primero en Zabalarra Eskola.

Martxoko ekintzak

zabalarra — Fri, 28 Feb 2025 11:25:12 +0000

Hona hemen hilabete honetako ekintza esanguratsuenak:

La entrada Martxoko ekintzak se publicó primero en Zabalarra Eskola.

LH3koak Araztegian

zabalarra — Fri, 14 Feb 2025 11:46:26 +0000

3.mailako ikasleak URAREN ZIKLOA landu dute eta, beste jarduera askoren artean, bat Araztegia barrutik ezagutzea izan da. Bisitan denetarik ikasi dute: ur zikina nola garbitzen den, ura ezinbestekoa zergatik den eta komunetik behera komuneko papera baino ezin dela bota (“besterik ez!” gogorarazten digute beraiek). Asko ikasita eta opari eta guzti bueltatu dira! Hona hemen laburpen bideotxo bat:

La entrada LH3koak Araztegian se publicó primero en Zabalarra Eskola.

2025/26 ikasturterako aurrematrikulazio epea zabalik!

zabalarra — Fri, 31 Jan 2025 11:44:08 +0000

2025/2026 ikasturterako aurrematrikulazio epea zabalik dago otsailaren 3tik 14ra, online edo aurrez-aurre.

Aurrez aurreko kontsultetarako ordutegia astelehenetik ostiralera 09:15etatik 13:00era eta 15:15etik 16:15era da.

Zalantzarik izanez gero idatzi idazkaritza@zabalarra.com helbidera edo deitu 946202143 telefonora.

Aurkeztu beharreko dokumentazioa:

Ikaslearen Erregistro Zibileko ziurtagiri indibidualaren fotokopia edo haren gurasoak edo tutoreak agertzen diren beste egiaztagiri ofizial baliokidea.
Aita, ama edo tutorearen NAN edo ANT fotokopia. Ez da aurkeztu behar tramitazioa on-line egiten bada eta nortasun-datuak kontsultatzeko zerbitzuak balioztatzen badu dokumentu hori.
Udalak emandako ohiko bizilekuaren (ikaslearena, aitarena, amarena edo tutorearena) errolda kolektiboaren ziurtagiria.
Ikaslea familia-harreran hartzen bada, egoera hori egiaztatzen duen ziurtagiri ofiziala.
Familia banandua edo dibortziatua izatekotan, Hezkuntza Sailak ezarritako berezko protokoloa bete izanaren agiria. Esate baterako: ezkontide ohiaren baimen-idazkia, eskaera bermatzen duen ebazpen judiziala edo behin-behineko neurria).
Muturreko prematuritate edo prematuritate handiagatik maila txikiago batean onartzeko eskabidearen kasuan, egoera hori ziurtatzen duen mediku-txostena.
Eskatzailearen gizarte- eta hezkuntza-egoerari buruzko galdetegia, zeinaren bidez zehaztuko baita, dagokion plaza-erreserbaren ondorioetarako, nork duen berariazko hezkuntzalaguntzaren premiarik, eremu horretan zaurgarritasun handiena izateagatik. Aurreko prozesu batean galdetegia jadanik bete duten pertsonen kasuan, orduan emandako erantzunak hartuko dira kontuan.

Informazio gehiagorako, kontsultatu https://www.euskadi.eus/eusko-jaurlaritza/-/albistea/2025/se-fija-el-plazo-de-matriculacion-de-la-escuela-publica-vasca/

Zatoz gurera!

La entrada 2025/26 ikasturterako aurrematrikulazio epea zabalik! se publicó primero en Zabalarra Eskola.

Mari Domingi eta Olentzero eskolan

zabalarra — Fri, 20 Dec 2024 12:28:19 +0000

Urtero lez, gure Mari Domingi eta Olentzero kuttunak eskolatik pasatu dira oporrak hartu baino lehen; hainbat opari banatu dituzte, eta atsegin handiz gure eskolako ikasleen abestiak entzun dituzte.

Guztiok opor zoriontsuak izan dezazuen opa dizuegu.

La entrada Mari Domingi eta Olentzero eskolan se publicó primero en Zabalarra Eskola.

Euskararen eguna 2024

zabalarra — Fri, 06 Dec 2024 07:35:43 +0000

Abenduaren 3an Euskararen Nazioarteko Eguna ospatu genuen eskolan hainbat ekintzekin: gaztainerre, antzerkia, dantzaldia,…

Gogoratu egun hauetan euskaraz gozatzen jarraitzeko aukera paregabea duzuela Durangoko 59. liburu eta diska azokan!

La entrada Euskararen eguna 2024 se publicó primero en Zabalarra Eskola.