Gaur ospatu da Korrika Txikia Durangon, euskararen aldeko lasterketa txiki eta herrikoia. Goizean, eskolako ikasleek hartu dute parte: 4. mailakoek hasi dute ibilbidea, eta lekukoa gainontzeko mailei pasatzen joan dira. Arratsaldean, 3. zikloko ikasleek eman diote hasiera herriko eskolen arteko Korrika Txikiari. Eskola aurretik abiatu eta Landako Gunean amaitu da ibilbidea, gutxi gorabehera 3 kilometro […]

Martxoko lehen hamabostaldian, gure eskolak esperientzia artistiko berezi eta berritzailea bizitzeko aukera izan du Ukitzeko artea (irisgarritasun bisualeko programa) ekimenari esker. Proposamen honen bidez, ikasleek Bilboko Arte Ederren Museoko bilduma iraunkorreko zortzi lan ezagutzeko aukera izan dute, baina ohiko modutik harago: kasu honetan, ukimenaren bidez; horrela, artea sentitzeko eta ulertzeko beste bide bat esploratu dute.

6. mailako ikasleak San Agustinera joan ziren DBH1eko ikasleek egindako lanak ikustera, “Animalia Harrigarriak” izeneko proiektuan. Bertan, DBH1eko ikasleek taldeka sortutako animalia harrigarri berrien azalpenak entzun zituzten.  

2. mailako ikasleak lanbideak lantzen ari dira azken asteotan. Horretarako, familien laguntza izan dute. Ikasgelara hainbat guraso eta senitarteko etorri dira beraien lanbideak azaltzera: suhiltzailea, baso ingeniaria, irakaslea, optometrista eta traktore transmisioen lantegian lan egiten duen profesionala. Bisita hauek oso interesgarriak izan dira, eta ikasleek galderak egiteko eta lanbide ezberdinak gertutik ezagutzeko aukera izan dute.

Atzo, martxoak 8, Emakumeen Nazioarteko Eguna izan zen. Urtero lez gure ikasleek ekintzak egin dituzte gaia jorratuz. Igandean, hilaren 15ean, herrian Lilakrosa izango da; gure eskolako 6. mailako bi ikaslek lekukoa eramango dute, beraz, animatu parte hartzera eta emakumearen eskubideen alde egitera!

Gaur LH6ko ikasleek bisita berezia izan dute eskolan: Amaia Elizaran emakume zientzialaria etorri da haiekin guztiz inspiratzailea izan den saio bana egitera. Lehenengo zatian, zientzialaria berak bere ibilbidea azaldu du eta, horrez gain, beste bi emakume zientzialariren lana eta ekarpenak ere aurkeztu dizkigu. Ondoren, ikasleek galderak egiteko tartea izan dute, eta gonbidatuak atsegin handiz erantzun

Gaur inauteriak giro ezin hobean ospatu ditugu: aurtengo gaia ZIRKUA izan da, eta goiz osoan zehar kolorez eta musikaz bete da gimnasioa. Mozorro ikusgarriak ikusi ahal izan ditugu: pailazoak, malabaristak, magoak,… ikasle eta irakasleek lan bikaina egin dute mozorroak prestatzen. Albiste honekin batera, eskolan ateratako bideo laburpena ikus dezakezue: ESKOLAKO INAUTERIAK Gainera, herrian ere inauteriekin

Gaur gure eskolan Eguenzuri eguna ospatu dugu. Goizean, 3.zikloko ikasleak goizean Haurreskolara eta auzora joan dira kantuan, bertako haur eta auzokideei alaitasuna zabaltzera.  Arratsaldean, eskolako ikasle eta irakasle guztiok elkartu gara eta denok batera abestu dugu, egunari amaiera ederra emanez. Eskerrik asko gerturatu zareten guztioi!

Urtero lez, 6. mailako ikasleek Booktrailer lehiaketan parte hartuko dute. Gaur saioa egin dute, proiektuari hasiera emateko. Aurten, Udaberririk ankerrena liburua aukeratu dute lana garatzeko. Helburua irakurketaz gozatzea eta sormena lantzea da.  

Gaur eskolan Gabon jaia ospatu dugu oso giro berezian: Mari Domingi eta Olentzero etorri zaizkigu bisitan, eta ikasle guztiei opariak banatu dizkiete. Hamaiketako berezia ere egin dugu, eta Mari Domingi eta Olentzero agurtzeko batu gara. Ederki pasatu dugu denok! 🎥 Jaiaren laburpen bideoa