Author name: zabalarra

Joan den astean, LH6ko ikasleek Durangoko Bertso Topaketan parte hartu zuten, ikasturtean zehar landutako bertsoak beste ikastetxeetako ikasleekin partekatuz eta euskal ahozko kulturaz gozatuz.  

Haur Hezkuntzako 4 urteko ikasleetatik Lehen Hezkuntzako 6. mailakoetara arte, denek izan dute aukera elkarrekin gozatzeko eta erronka dibertigarrietan parte hartzeko. Patioa eta eskolako guneak topagune bihurtu dira, non armiarma sareak zeharkatu, soka saltoan trebetasuna erakutsi, zapitxoa harrapatu eta krokodiloak ere hortzak erakutsi dituzten.

LH6ko ikasleek arrakasta handiz parte hartu dute Durangoko Booktrailer lehiaketan,gazteen artean irakurzaletasuna, sormena eta ikus-entzunezko adierazpena sustatzea helburu duen ekimenean. Emaitzak bikainak izan dira; gainera, gure eskolako talde batek 1. saria eskuratu du, eta beste batek 2. saria! Zorionak parte hartu duten ikasle guztiei egindako lanagatik, erakutsitako irudimenagatik eta talde-lanerako gaitasunagatik! Saritutako bi taldeen booktrailerrak:

Maiatzaren 2an Bullying-aren Aurkako Nazioarteko Eguna dela eta, eskolan hausnarketarako unea izan dugu. Ikasle delegatuek kartelak sortu eta bideo bat grabatu dute, errespetuaren eta elkar zaintzearen garrantzia azpimarratuz. Guztion ardura da giro segurua eraikitzea, guztion kontua da bullying-ari aurre egitea.

Gaur, Liburuaren Nazioarteko Egunean, jarduera bereziak egin ditugu eskolan. Haur Hezkuntzan, goizean parkera joan dira ipuinak irakurtzera, eta arratsaldean ipuin kontaketa saioak izan dituzte. Lehen Hezkuntzan, 3.zikloko ikasleek 1.zikloko gazteenei ipuinak irakurri dizkiete, eta 4.mailakoek opari-ipuina egin diete 3.mailakoei,  irakurketa partekatzeko une polita sortuz; gainera, arratsaldean parkeetara irten dira liburuez gozatzera. Egun guztiz atsegina izan da,

Gaur ospatu da Korrika Txikia Durangon, euskararen aldeko lasterketa txiki eta herrikoia. Goizean, eskolako ikasleek hartu dute parte: 4. mailakoek hasi dute ibilbidea, eta lekukoa gainontzeko mailei pasatzen joan dira. Arratsaldean, 3. zikloko ikasleek eman diote hasiera herriko eskolen arteko Korrika Txikiari. Eskola aurretik abiatu eta Landako Gunean amaitu da ibilbidea, gutxi gorabehera 3 kilometro

Martxoko lehen hamabostaldian, gure eskolak esperientzia artistiko berezi eta berritzailea bizitzeko aukera izan du Ukitzeko artea (irisgarritasun bisualeko programa) ekimenari esker. Proposamen honen bidez, ikasleek Bilboko Arte Ederren Museoko bilduma iraunkorreko zortzi lan ezagutzeko aukera izan dute, baina ohiko modutik harago: kasu honetan, ukimenaren bidez; horrela, artea sentitzeko eta ulertzeko beste bide bat esploratu dute.

6. mailako ikasleak San Agustinera joan ziren DBH1eko ikasleek egindako lanak ikustera, “Animalia Harrigarriak” izeneko proiektuan. Bertan, DBH1eko ikasleek taldeka sortutako animalia harrigarri berrien azalpenak entzun zituzten.  

2. mailako ikasleak lanbideak lantzen ari dira azken asteotan. Horretarako, familien laguntza izan dute. Ikasgelara hainbat guraso eta senitarteko etorri dira beraien lanbideak azaltzera: suhiltzailea, baso ingeniaria, irakaslea, optometrista eta traktore transmisioen lantegian lan egiten duen profesionala. Bisita hauek oso interesgarriak izan dira, eta ikasleek galderak egiteko eta lanbide ezberdinak gertutik ezagutzeko aukera izan dute.

Atzo, martxoak 8, Emakumeen Nazioarteko Eguna izan zen. Urtero lez gure ikasleek ekintzak egin dituzte gaia jorratuz. Igandean, hilaren 15ean, herrian Lilakrosa izango da; gure eskolako 6. mailako bi ikaslek lekukoa eramango dute, beraz, animatu parte hartzera eta emakumearen eskubideen alde egitera!