Author name: zabalarra

Atzo, martxoak 8, Emakumeen Nazioarteko Eguna izan zen. Urtero lez gure ikasleek ekintzak egin dituzte gaia jorratuz. Igandean, hilaren 15ean, herrian Lilakrosa izango da; gure eskolako 6. mailako bi ikaslek lekukoa eramango dute, beraz, animatu parte hartzera eta emakumearen eskubideen alde egitera!

Gaur LH6ko ikasleek bisita berezia izan dute eskolan: Amaia Elizaran emakume zientzialaria etorri da haiekin guztiz inspiratzailea izan den saio bana egitera. Lehenengo zatian, zientzialaria berak bere ibilbidea azaldu du eta, horrez gain, beste bi emakume zientzialariren lana eta ekarpenak ere aurkeztu dizkigu. Ondoren, ikasleek galderak egiteko tartea izan dute, eta gonbidatuak atsegin handiz erantzun

Gaur inauteriak giro ezin hobean ospatu ditugu: aurtengo gaia ZIRKUA izan da, eta goiz osoan zehar kolorez eta musikaz bete da gimnasioa. Mozorro ikusgarriak ikusi ahal izan ditugu: pailazoak, malabaristak, magoak,… ikasle eta irakasleek lan bikaina egin dute mozorroak prestatzen. Albiste honekin batera, eskolan ateratako bideo laburpena ikus dezakezue: ESKOLAKO INAUTERIAK Gainera, herrian ere inauteriekin

Gaur gure eskolan Eguenzuri eguna ospatu dugu. Goizean, 3.zikloko ikasleak goizean Haurreskolara eta auzora joan dira kantuan, bertako haur eta auzokideei alaitasuna zabaltzera.  Arratsaldean, eskolako ikasle eta irakasle guztiok elkartu gara eta denok batera abestu dugu, egunari amaiera ederra emanez. Eskerrik asko gerturatu zareten guztioi!

Urtero lez, 6. mailako ikasleek Booktrailer lehiaketan parte hartuko dute. Gaur saioa egin dute, proiektuari hasiera emateko. Aurten, Udaberririk ankerrena liburua aukeratu dute lana garatzeko. Helburua irakurketaz gozatzea eta sormena lantzea da.  

Gaur eskolan Gabon jaia ospatu dugu oso giro berezian: Mari Domingi eta Olentzero etorri zaizkigu bisitan, eta ikasle guztiei opariak banatu dizkiete. Hamaiketako berezia ere egin dugu, eta Mari Domingi eta Olentzero agurtzeko batu gara. Ederki pasatu dugu denok! 🎥 Jaiaren laburpen bideoa 

Gaur, abenduak 3, Euskararen Eguna ospatu dugu eskolan, euskaraz bizitzeko eta gure hizkuntza maitatzen jarraitzeko. Goizean gaztainak erre, txikiek “Zapularra” txotxongiloarekin gozatu eta hamaiketako berezia egin dugu; arratsaldean, kantaldietan giro ezin hobea egon da. Euskaraz biziz eta euskaraz ospatuz, egun ederra izan dugu. Hemen daukazue gaurko eguneko laburpen bideo bat!  EUSKARAREN EGUNA 2025 Arratsaldean guraso

Zabalarran, Azaroaren 25an indarkeria matxistaren kontrako eguna aldarrikatu dugu. Etapa guztietan ipuin, dinamikak eta hausnarketak egin ditugu, eta beltzez eta osagarri more batekin jantzi gara.Arratsaldean, ikasleek iaz sortutako bertsoa eta Zea Mays-en “Elektrizitatea” abestu ditugu elkarrekin errespetua, berdintasuna eta bizikidetza aldarrikatuz. Bertsoa Hormairudia Abestia

🕸️🎃 Gaba Baltza eskolan! Gaur ikasleek primeran pasa dute: kalabazak hustu, kartel beldurgarriak egin eta eskolako txikiek nagusiak beldurtu dituzte!  Ikus ezazue bideoan nola gozatu duten! 👻🕯️   🔗 👉 GABA BALTZA 2025 ZABALARRA ESKOLAN 🎥

Zabalarrako ikas komunitatean euskara gurea dela sentitzen dugu, euskara gure identitatearen partea da eta euskarak batzen gaitu. Euskaraldiari begira, gure buruari ERRONKA hau jarri diogu: Ingurukoak hauspotuko ditugu , euskararen xaxatzaileak izango gara!!! EUSKARALDI indartsua behar dugulako. AHOBIZIAK aktibatu nahi ditugu: lehen hitzetik, euskaraz ahalik eta gehien egin dezagun beti. BELARRIPRESTAK  ere parte hartzera animatzen